الى متي يا امة الاسلام ............. ؟!

الى متي يا امة الاسلام ...؟!!!!

الى متي يا امة محمد ....؟!!!!

موت ..ودمار..وحصار

أطفال ..وشيوخ ..ونساء

يقتلون بلا رحمه

استيقظي يااااااااااا امتي

أطفالك يقتلون ويزبحون امام اعيننا كل دقيقة ..بل كل ثانيه

ماذا ننتظر ..؟!!!

-------------------------------

اليوم هو اليوم الرابع للمجزره الصهيونيه الجديده علي اخواننا في غزه

انتظرت ولكن طال انتظاري

لم استطع ان اكتب شئ عن هذا الحدث وكنت علي امل ان اكتب عن انتصارنا نحن المسلمين علي هذا الغاصب المحتل

او عن اقل الاماني وهي وصول المساعدات وفتح معبر رفح

ولكن طال انتظاري ولم استطع التحمل

الى متى سيظل هذا الصمت العربي

اعجز عن قول ما بداخلي ولكن غيري استطاع ذالك وقالوا اكثر من ذالك

ولكن اين من يسمعنا ..؟!!!!

اللهم ارحم المسلمين المستضعفين في فلسطين والعراق وكل مكان .. اللهم آمن روعاتهم واستر عوراتهم واحفظ ذرياتهم وارحم ثكالاهم واحفظ أياماهم واجعل أطفالهم شفعاء وقتلاهم شهداء،.. اللهم أقم على الحق دولتهم واجمع على التوحيد كلمتهم .. اللهم انصرهم.. اللهم انصرهم..اللهم انصرهم..

تاج العيد يا تاجي

تـــــــــــــــــــــــــــــــــــــــــــــــــــاج

انا مش عارفه بيقولوا ايه في المواقف دي انا اجالي تاج من اختي حببتي سالي -حاجات جوايا- والتاج ده كان مفروض اني اجاوب عليه في العيد لكن كنت مشغوله الايام اللي فاتت

وزي ما انتم عرفين اللحمه وعميلها وغير كدا انتوا عرفين ان الفتره دي بداية امتحانات ونزول الجدول يعني خلاص عد تنازلي..فالواحد ملوش مزاج لحاجه خالص .

وكان لازم ادخل النهارده عشان اعتزر لسالي عن تأخيري وبشكرها انها فكراني

وانا عارفه (بعد العيد مينفتلش كحك) زي ما بيقول المثل بس انا هفتله النهرده اقصد هجاوب التاج النهرده واللي يحصل يحصل

اولا: نفس عميق

ثانيا :بسم الله

ثالثا:انطلق

ماذا يمثل لك العيد ؟ وما أكثر شئ يبهجك في مظاهر العيد ؟

العيد ده اجمل ايام السنه لان بيجي بعد طاعه وبحس ان ربنا بيكون راضي عن عباده

واكتر حاجه بتبهج مناظر الاطفال وهما مسكين البلالين ولبسين هدوم العيد................اه وكمان ان الناس كلها كده بتكون نظيفه ورحتها حلوه ههههههه

اوصف لنا طقوسك في العيد .. من ليلة العيد لآخر يوم ؟

ياااااااااه علي ليلة العيد دي بتبقه ليله

ممكن تكون ليله العيد دي ليله تعب وده لو اني مكملتش شراء حاجاتي كلها قبلها واني اكون مطره اني انزل من البيت

طبعا الشوارع زحمه ومفيش مواصلات وانتوا عرفين الباقي

اما بقي لو كنت في البيت فبيكون في شغل تاني تجهيزات وافضل سهراناانا واخواتي ومواصله لغايت اما اصلي الفجر وبعدها اجهز نفسي واكلم اصحابي عشان نروح نصلي العيد .......يااااااااااه علي صلاة العيد هي دي بجد فرحة العيد

وبعد الصلاة ارجع اناااااااااااااااااااااام وطبعا مابخرجش من البيت تاني لان في ناس هتيجي ...وبعدين مينفعش نضيع العيديه اه !

احكي لنا أطرف موقف حصلك في العيد ؟

مش فاكره والله....بس مره قررت انا وبنت خالي اننا نصلي العيد في جامع تاني بعيد واحنا متعودين اننا بنصلي في جامع قريب من البيت

ونزلنا ككل عيد بس للاسف ملحقناش الصلاة فقلنا خلاص نتفسح قامن الدنيا شاتية ..وايه مش شتا خفيف كده نقدر نمشي تحته واحنا فرحانين زي الاطفال.. لا ده كان شديد جدا وفي الاخر قلنا نروح احسنا اول اما ركبنا العربيه الشمس طلعت

انا مش عارفه الموقف ده المفروض انه طريف ولا حزين علي حظنا الجميل ده

ومن يومها واحنا قررنا معدناش نفكر نعملها

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

والله انا بكون حريصه اني اهنيهم بس ساعات الظروف مبتسعدنيش زي العيد ده مقصره في حق ناس كتير اوي ياريت يسامحوني

مين أول حد تزوره أو تكلمه في التليفون /الموبايل عشان تهنيه بالعيد ؟

اول واحد اكلمه بتكون صحبتي وحببتي اسماء دي صديقتي من ايام الطفوله لغايت دلوقتي بالرغم بعدنا عن بعض الا انها قريبه مني اوي

ربنا يخليكي ليا يا سمسمه ونفضل اصحاب

لكن الصراحة العيد ده كانت اول تهنئه لخطيبي اول عيد بقى..... بس كانت اسماء بعده علطول

إيه الفرق بين العيد الحالي .. وعيد (أيام الطفولة )؟

انا الصراحه مش عارفه العيد ايام الطفوله كان شكله ايه لاني مكنتش في مصر ومكناش بين اهلنا في مصر فمكنتش بحس بفرحت العيد زي ما بحس بيها في مصر بالرغم من اننا كنا بنخرج ونتفسح ونعمل كل حاجه لكن العيد في مصر حاجه تانيه وخصوصا اما تكون بين حبايبك واهلك..

كلمنا عن ذكرياتك في العيد

للاسف مليش ذكريات كتير في العيد وده بسبب اني مكنتش في مصر زي ما قولت وده مأثر فيه اوي

تلاقي حد قاعد يحكي علي العيد (وجدو كان بيديني العيديه وكنت بروح اصلي مع عمو... لا بنزور خالتوا ...بنلعب في الشارع بالبلالين وجبنا سوريخ....وعملنا وعملنا) كان نفسي يبقالي ذكريات طفولة زي دي ..مش حقد والله

لكن في حاجه وحده بس اللي فكراها اننا كنا مره واحنا في السعوديه وانا صغيره في تانيه ابتدائي تقريبا كنا شارين عجل صغير عشان ندبحوا وكان صعبان علي او كل شويه اروح اقول لبابا وماما بلاش ندبحوا وكانت عينيه تحس انه بيعيط والله

ويوم العيد رحنا عشان ندبحوا وقعدت اعيط عليه لانه صعبان عليا

ومن يومها وانا مبحبش اشوف حاجه بتتدبح

تفتكر الحياة من غير عيد .. هتفرق كتير ؟؟؟

يااااااااااااااااااااه كتير اوي ده الواحد بيستنا من العيد للعيد عشان العيديه ههههههههههه

لابجد هتفرق اوي في ناس بتستنا العيد عشان تفرح........ يارب اجعل ايامنا كلها اعياد

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

((عيد مبارك وايامك تبارك والجنه تكون دارك والنبي جاري وجارج)) من حبيبتي وصحبتي سمسمه

((happ 3ed ..full of meat ..friends meet..love in heat ..relatives great ..clothes gadeed ...money bal3abeet ..afra7 wz3`aret ..trabat tat teeet))

احم احم .. لسه بتاخد عيدية ؟؟ من مين ؟؟ وبتديها لمين ؟

طبعا ...ههههههههه

بلاش من مين دي ..عشان الحسد ههههههه والله هي مابتلحق اساسا عشان اديها لحد بيجلها صاحب نصيبها علطول

إيه رأيك في التاج ؟

زي العسل لانه من واحده زي العسل ...بجد والله جميل

تحب تمرره لمين من المدونين ؟

امممممممممممممممم والله انا مش عارفه هو ينفع امرره لحد ولا لا انا لو عليا عايزه امرره لناس كتير بس

لو مررته هيقولوا مالها دي هي لسه صاحيه من النوم ....العيد خلص من زمان ..لسه فاكره

فنا بقول لو حد من اللي بيدخلوا عندي وعايز يجاوب عليه يجاوب

انا خلصت خلاص

عايزه اشكر سالي لاني بجد استمتعت بالتاج ده واقول لها اوعدك المره الجايه مش هتأخر كده

وياريت مكنش طولت اوي في الجابه

شكرا كل سنه وانتم طيبين

سااااااسوووووووو

كل عيد وانت سعيد

كل سنه وانتم طيبين

كل سنه وكل مدون ومدونه بخير وصحه وسلامه

كل سنه واالمسلمين بخير

فلــــــــــــــــــــــــسطين

العراقــــــــــــــــــــــــــ

كل بلد مسلم عايش تحت الحصار والظلم والجروح والالم

ربنا يزيح عنهم وينصرهم ويفرج همهم

لكل طفل فلسطيني عراقي مسلم عيدكم مبارك وبأذن الله سيكون عيدكم القادم عيد انتصار وعزه ان شاء الله

كل سنه وانتم طيبين

بطمنك ياحبيبي

امنتك عليا عشان لاقيتنى مصدقاك..وعدتك فى وقت الجد جنبك هتلاقينىبسهر على راحتك وراضيه اتعب معاك..وان متشيلكش الارض انا اشيلك فى عينى

بطمنك ياحبيبى من اولها..سكتنا لو عاندتنا هنكملهادنيتنا لو تعبتنا من عمايلها..بالصبر انا وانت هنستحملهاعلى قدنا هنعيش مع بعضينا ..وحبنا من الدنيا دى يكفيناده انت وانا ولا عمرنا اتمنينا..غير بيت صغير وباب مقفول علينا

انا طول حياتي كنت بحلم لكي وبيك..وما بين ايديك كملت حاجة ناقصة فيامن الدنيا مش طمعانة الا فحبي ليك..واديني جايه بوعدك دلوقتي بيا

بطمنك ياحبيبى من اولها..سكتنا لو عاندتنا هنكملهادنيتنا لو تعبتنا من عمايلها..بالصبر انا وانت هنستحملهاعلى قدنا هنعيش مع بعضينا ..وحبنا من الدنيا دى يكفيناده انت وانا ولا عمرنا اتمنينا..غير بيت صغير وباب مقفول علينا

-----------------------------

من اجمل اغاني شرين

يارب تعجبكم الرسمه

رحل ولم يشعر به أحد

"ودعة الأمة الاسلاميه في مطلع هذا الأسبوع الدكتور محمد سيد أحمد المسير أستاذ العقيدة والفلسفة بجامعة الأزهرعن عمر يناهز السبعين عام بعد صراع مع المرض"

هذا ما قرأته بالصدفه علي صفحات النت وبعد مرور عدة ايام علي وفاته وبرغم من متابعتي للتلفزيون الا انه لم يتم نشر هذا الخبر بالصوره الكافيه حتي يعلم المسلمون انهم فقدو رجلا عظيم مثل هذا الرجل ...

فهل لا يستحق هذا الرجل العظيم والعالم الجليل ان ينشر خبر وفاته بالصوره الكافيه علي شاشات التلفزيون ..؟وهل لا يستحق الاستاذ محمد المسير ولو نصف ما نشر عن وفات يوسف شاهين علي القناوات المصريه ..؟

ام انهم كانوا مشغولين بعرض مؤتمرات الحزب الوطني وكلمة الرئيس جمال اقصد حسني مبارك ..؟

هذا هو التلفزيون المصري يهتم بالممثلين والمطربين ومن علي شاكلتهم وينسى رجال العلم والدين ومن في مكانتهم

رحمك الله يا شيخنا (محمد المسير)

عناصر الوثيقة التأسيسية للمدونين

1- عدم المساس لأي دين أو مذهب بالتجريح وعدم نشر العداوة بين المذاهب المختلفة

2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام

3- البعد عن المصلحه والأطماع الشخصية وجعل التدوين نزيه وله هدف سامي

4- المحافظة علي شرف التدوين ومحاولة الأرتقاء به لأعلي الدرجات

5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار

6- نشر روح المحبه والأخوه بين الناس

7- البعد عن الأفكار الهدامه والتمسك بالقيم والمبادئ الإسلاميه الحنيفه

8- عدم التخلي عن التدوين قدر المستطاع ومحاولة التواصل حتي ولو علي فترات متباعده

9- مساعدات أخوننا المدونين علي قدر المستطاع ونشر الخير بينهم

10- عدم التعرض بالآساءة أو الألفاظ الجارحه لمن يقوم بالرد علي مدوناتنا

11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات

12- متابعة تعليقات من نقوم بالرد في مدونتهم لكي يتم الاستفاده من هذا النقاش

13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم

----------------------------------------------

ملاحظه:

هذه الوثيقه منقوله من مدونه مجنووون

http://mazinlove.blogspot.com/

وعدا خلاص يوم الخميس

شبكنا بدلته... وقرينا فاتحته
وعرفنا نيته ... وغلاوته عندنا

-----------------

وعدا خلاص يوم الخميس

كان يوم جميل وخفيف وكنت حاسه انه حلم

عمري ما تخيلت اني هكون في الموقف ده

دايما كنت بكون من المعازيم واروح وبارك للعرسين وقول مبروك واسمع كلمة الله يبارك فيكي عقبالك

لكن يومها كنت بسمع كلمة مبروك ياعروسه ومن المفروض اني ارد وقول الله يبارك فيكي لكن كنت (بتنح )ومعرفش ارد لاني مكنتش اخده بالي اني انا العروسه

وكل اللي يشفني يقولي ياعروسه... عروسه!!...بيتكلموا علي مين؟!

كنت متعوده اني في اي مناسبه بكلم ده وهزر مع ده واشوف مين الموجود ونعلق على دول ونضحك علي دي واروح واجي

لكن يومها كنت قاعده وكان حاجه بتقرصني نفسي اعرف ايه اللي بيحصل بره ومين اللي اجه واكل الجاتوه كده بنفس

بس كان يوم جميل بالرغم من الضغط النفسي والعصبي اللي كنت فيه قبلها

والحمد لله ربنا رزقني بأنسان محترم وطيب وابن حلال وارتحت له الحمد لله ومن ساعتها وانا نسيت كل التعب والضغط النفسي اللي كنت فيه

ربنا يخليه ليا ويباركلي فيه

وعقبالكم كلكم يارب وكل حبايبكم

حالتي النفسيه

كل واحد فينا في الدنيا دي بيدور علي حاجه تعبر عنه وعن حالته النفسيه في اللي يكتب شعر وفي اللي يلحن موسيقي وفي اللي يغني اغنيه

اما اني فلقيت الرسم هو الحاجه الوحيده اللي تعبر عني وعن حالتي

انا بمر بنفس الحاله اللي انتو شيفينها قدمكم في رسمتي

حاله من التوهان ومش شايفه حاجه قدامي خالص من كتر التفكير

قلقانه طبعا

كنت مفكره ان الموضوع سهل لكن طلع موال كبير

ربنا يستر ويعدي اليومين دول علي خير

ادعولي

(عايزه رأيكم في الرسمه بي صراحه )

العيد فرحه

السلام عليكم

كل سنه وانتم طيبين

وعيد سعيد عليكم

وعساكم من عواده

وhappy 3ed

وبكل اللغات
وكل عيد وانتوا مبسوطين ومعيدين
وزي اعلان دبي

(عطوونا عيديا)

سمعونا زغررررررروطه حلوه

السلام عليكم

منغير مقدمات هدخل في الموضوع علطول

يوم الخميس 9/10/2008

هتكون قرايه الفاتحه ...فاتحة مين ؟

فاتحة حضرتي اختكم

سااااااااااسوووووووووووووو

(انا مش مصدقه ولا قدره استوعب الموقف)

قولت لازم انتو تكونوا اول المعزومين وافرح معاكم

والدعوه عامه اللي يقدر يجي اهلا وسهلا واللي ميقدرش كفايه يحضر في المدونه بس لازم يكتب حاجه للذكرى او يزغرت او يرقص اي حاجه ...المهم احس انكم معايا

وعقبالكم كلكم يارب والمتجوز عقبال ولاده والمخطوب عقبال الفرح

ده حلم ولا خيال ..معقوله تكون حقيقه

يوم الخميس 25 رمضان25سبتمبر 2008
انا عايزه اقيد التاريخ ده يمكن في يوم من الايام اقول ان اليوم ده سبب سعادتي
انا مش عرفه احكي ازاي اللي حصل النهارده بس اوعدكم اني هحكيلكم اللي حصل بالتفصيل ان شاء الله بس اما استوعب اللي حصل واتأكد منه

ادعولي

إن العبد في هذه الدنيا تمر به محن ، ويحتاج إذا وقف على مفترق الطرق أن يلجأ إلى ربه ويفوض إليه أمره ، ويسأله الدلالة على الخير . ومن أعظم العبادات حال تشتت الذهن ونزول الحيرة بالإنسان صلاة الاستخارة التي دل عليها النبي صلى الله عليه وسلم إذا قال : (( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) . [ البخاري ]

انا في حاجه لدعائكم ضروري انهارده

موضوع تقرير مصير

هقولكم عليه ان شاء الله بس يعدي علي خير

اياما ًمعدودات

بسم الله الرحمن الرحيم
﴿ يَا أَيُّهَا الَّذِينَ آمَنُوا كُتِبَ عَلَيْكُمْ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ ﴾

صدق الله العظيم

_اياما معدودات_

منذ أيام كنا في انتظاره ....

وحينا اتي رحبنا به (اهلارمضان)...

وبعد ساعات معدوده سنودعه(والله لسه بدري والله) ...

من منا يعلم ان كانت هذه اخر استضافه له وتكون الوداع(الهم بلغنا رمضان) ...

ام يكون اللقاء يوما ما ...

مضي رمضان ...

فهل غفرت لنا يارب...
ام كنا من الخاسرين...

اللهم إنك عفو تحب العفو فاعف عنا

اللهم بلغنا ليلة القدرر واعتق رقابنا من النار

(رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ)

مرحباً بكم

السلام عليكم ورحمة الله وبركاته

مرحباً بكل من يزورني في بيتي الثاني في عالم التدوين

وادعو الله ان يجعلها عامره بذكره وما يكتب فيها لا يغضبه

وان تكون عوناً لي علي طاعته وان يجعل من ارائكم وتعليقكم

ما استفيد به وان يستفيد منه الاخرون

انه هو ولي ذلك والقادر عليه

امين

رمضانيات

رمضان مش طفاسه وملي كرش ,,رمضان ده عبادة ولومفيش قرش
قولنا رمضان ده للعباده.... قالوا مسلسلات ودي عاده ...
قولنا ترويح ودي سنه...قالوا فوازير ودي مهمه...

ملحوظه:الرسمه من رسوماتي الرمضانيه